بحبك يا اجمل ام فى الدنيا

بحبك يا أمى
بعتلك قلبى وروحى هدية
فى عيدك يا أغلى صبية
ربي اعطانى ليكى وأعطاكى ليا
ووضع فى قلبك حنان وحنية
يا نبع الحنان يا أرض خصبه ونقية
يا رمز للحب طول عمرك وفية
الناس تنام على أحلام وردية
وأنتى سهرانه من خوفك عليه
ما رحتى مدارس ولا اتعلمتى فى كلية
وبقلبك وروحك ربتينى أفضل تربية
تحاملتى على نفسك وضحيتى وتعبتى
واتمنتيلى أعيش عيشة هنية
فى بطنك على كتفك فى ايدك ما تركتينى
فى سريرك فى حضنك وبوسة على جبينى
زعلت لما حددوا يوم فى السنة يكون عيدك
وفرحت أنه ذكرنى بيوم فيه نسيتك
ولو تذكرتك كل يوم ميش حقدر أوفيكى
حتى لو قدمت قلبى وروحى هدية ليكى
ولو سهرت عليكى با قى عمرى
لن أوفيكى ليله عليا سهرتى
بسهر وافتكر أنك ربتينى
وسهرك عليا كنتى بتدعيلى
إزاى يتساوى سهرى مع سهرك
يا أجمل من عمرى وسنينى
يا أمى لسه فاكر دعوتك ليا
يا أمى لسه فاكر خوفك عليا
يارب تكونى راضية عنى
لأن رضاكى من رضا ربى
سلام يا أغلى من روحى ودمى
سلام يا أجمل ما رأت عينى
أبنك
فتحى صفا

» تقلبات الدنيا
» تلومنى الدنيا
» من أضاع شيئا من متاع الدنيا
» اجمل رفيقفى الدميا
» اجمل ماقيل عن الامل